ورقة التوت الألكترونيه

ورقة التوت الألكترونيه

_ هو ليس مادى الوجود بل أفتراضى  لكنه ..., "حدث بالفعل".

_نموذج موثق لهذا الزيف الأجتماعى  و هذه النفس المطمئنه للسوء.

_وفيه , قابلت ناس أفتراضيه أكثر واقعيه من هؤلاء الذين ملؤا واقعيتى أحداث أفتراضيه

_هو نموذج مصغر لعذاب القبر و سؤال الملائكه أن لم تهرب

_ورقة التوت كم كانت خطيئة الله فأسقطها هو

_خير شاهدا و دليل

_أول من يسقط خيوط الماريونيت فقط برؤيته و تصفحه

_ يحمل شهادة أكثر مصداقية لدى من صلاة رهبان الاديره و المساجد

_كل مازاد عدده كل مازادت ورقة التوت حجما

لم أقدس أى أفتراضى مثلما قدسته فضيلة القديس/ الأنبوكسinbox

عبد الرحمن الموافى

#freemowafy
عبد الرحمن الموافى, شاب عمره 19 سنه
أولى كلية الهندسه
تم ألقاء القبض عليه من ميدان التحرير يوم 5فبراير و عرضه على النيابه والحبس 4 أيام على ذمة التحقيق وسيتم ترحليه بعدها على سجن المزرعه طره
عبد الرحمن متهم فى قضايا :حيازة سلاح ومخدرات  و محاولة أقتحام مبنى وزارة الدخليه و التعدى على ظابط شرطه
للعلم عبد الرحمن لم يكن بشارع محمد محمود معقل الاشتباكات
Moavy Abdul Rahman, a young man 19 years old
The first Faculty of Engineering
Has been captured from Tahrir Square on February 5 andpresented to the prosecution and imprisonment of 4 days, pending investigation and will be after the migratory farm Tora prison
Abdel-Rahman accused in cases of: possession of a weapon, drugs and attempt to storm the building of the Ministry and Ahmed told infringement Zabt Police
Of science Abdul Rahman was not a stronghold of Mohamed Mahmoud Street clashes

تنتـصر

هن الفتيات الجميلات
كالفراشات ينطلقن
,ولايموتن
لايموتنِِِ على طريق الأحلام
بل يحيينا الخيال بواقع العناد
,ذلك الذى بزغ بقوة حق الخيال
بقوة حق الخيال لايموتن
أنه قابع فى الزمن والفؤاد لايموت
الحلم..الأنسان..الأمل..الغريزه..الكره..والسؤال
من الأله ؟..ولما لا!..ولما هناك فى المساء...
لايموتن مطلقا
فقط الأحلام بحق الخيال
تنتصر...
وأنتظروهن على الحق
فوعد الحق ليس بالعيد

تسليم الست سلطه

بصراحه أنا تعبت وقرفت من موضوع التسليم دا , دا لو بنسلم حاجه بيعاقب عليها القانون كان زمانا لقينا طريقه .
 

بس فعلا أول مره أحس أن المره دى القرار فعلا للشارع التجربه فعلا للشارع مش للشباب ولا النخبه

الشارع لازم يحدد مصيره يا يكمل يمشى مدنى عادى  أو  يكمل عبد لبيادة العسكر أو عبد لشوية دقون وتجار كلام .
وهنا المشكله وهنا الفرق بينا وبين تونس, مش ناسيه لما السنه اللى فاتت كانت الثوره فى تونس شغاله ولما بدءوا يقولوا هتاف" أذا الشعب يوما اراد الحياه فلابد أن يستجيب القدر" , يومها مذيعة قناة العربيه كانت بتسأل المراسله هناك: الهتاف دا أصلا بيت شعر أزاى يعنى  يعرفه  شعب بأكمله و أزاى خطرلهم فكرة الهتاف به؟
كان رد المراسله معبر و واقعى: أن الشباب التونسى متقف جدا ومطلع فأصلا دور نشر الكتب تعد تجاره رابحه فى تونس من كثرة حب الشعب للمعرفه وغير أن تونس من الدول العربيه اللى محققه المراكز الأولى كدول عربيه شعوبها بتحب الأطلاع والمعرفه هى والجزائر ويمكن دا من الأيجابيات اللى أثرها فيهم الأحتلال

وهنا السر؛ الوعى الشعبى و الثقافه الشعبيه ,أنا مارحتيش تونس لكن كفيل لك أنك لما تشوف أكونتات شباب تونس على الفيس تعرف مدى وقد أيه هما عندهم حب معرفه وكفيل لك أنك تبحث فى دراسات عن مؤشرات الثقافه والمعرفه عندهم .
نرجع لمصر, الفكره بقا أننا شعب بيستمد ثقافته الشعبيه من دقون بتتكلم على قنوات فى النهايه أنا شايفها قنوات تجاريه بحته أو من مؤروثات شعبيه أحد أهم أساسيتها أمشى جنب الحيط تعيش مرتاح البال وعندنا عيال عايزيين نربيها.

اه ماشى شوية من التابوهات دى أنهارت مع الموجه الاولى لكن أنتخابات مجلس الشعب ومن قبلها الاستفتاء توضح أن فى مشكله فى الثقافه الشعبيه للشعب المصرى أو يمكن زى ما قال عمرو حمزاوى قبل كدا "الخبره" الشعب دا خام فى تجربة الأختيار من متعدد شويه شويه هيكون عنده مقومات فى خبرته أحسن.

نرجع تانى لتسليم السلطه؛وفعلا الحكم المره دى للشعب ماينفعش تنزل تقولهم تسلمها لرئيس مجلس العشب علشان هيطلع جزء تانى من الشعب_جزء لا يستهان به_ يقولك لا مش موافقين على المجلس دا خاصة أنه من قبل أنتخابات المجلس كل المحللين قالوا هذا المجلس لا يمثل الثوره.

طيب تقولهم نعمل أنتخابات رياسه هيطلعلك برضه جزء من الشعب_وبرضه جزء لا يستهان به_ هيقولك لاء أحنا مش
لا ماينفعش الشارع والناس والمرشحيين مش مستعديين للأنتخابات وممكن الشعب يختار حد ويرجع يندم زى ما حصل فى الاستفتاء ؛طيب

أنا واقعيا مش عارفه وخايفه

وداعــــا فى صمت

تلك الصعوبه التى تلتحق باللحظات الأولى فى المعرفه تحاول جاهدا مع فأرتك الألكترونيه التأكد من تلك الأشاعه التى بدءت فى الظهور على حرج وبعض من الحزن ....لقد رحل

بعد 40 يوما من تاريخ ظهور تلك الأشاعه ستجدهم يكتبون الرثاء و يضعوا فى جداول دور الثقافه ندوات تتحدث عنه  تعظم من فنه الأدبى وروعته الجليله التى خسرنها و كم قصر الزمن فى أعطاءه الحق الوفير..

أحاول من الأن أن أتدبر فى مصروفاتى لكى أقتطع جزءا منها لشراء تلك المجلدات الفاخره التى ستصدر تحمل كل ما كتب وتألم وفرح ونقد ولعن وهمس بين السطور ليحذر الأذكياء ....لأعود لمنزلى أدون على عالمى الأفتراضى قبل الفجر " لقد أشتريت اليوم الأعمالك الكامله لفلان الفلانى" ويأتنى عدد لا بئس به من الأعجاب يليه أراء الأخرون فى أفضل الأعمال التى أبدء بها.

كالعاده لن نجد وجهه على أحد طوابع البريد أو أسمه على أحد المكتبات العامه لكن وبكل تأكيد ستجد طفلا فى الغد يحمل أسم متطابقا مع أسمه  حيث كان أب هذا الطفل الوحيد الذى حزن من قلبه ولم يحضر يوما أحدى تلك المراسم الشرفيه.

كالعاده ستكون مؤشرات أعلى المبيعات  لدور النشر فى نهاية هذا العام لهؤلاء الراحلون حيث أن هذه الأمه لم تكلف يوما ذاتها فى عناء البحث عن مصادر جديده للأبداع غير تلك التى يلمعها لها الحاكم
مجهولون عده أغتصبتهم الحياه وفضت شرف أحلامهم فأفرغوا كل دمائهم على سطور أبداعهم ونحن فقط نتناسى ونذكرهم فى الرحيل و الفراق

وداعـا أبراهيم أصلان 7-1-2012

تجميع1

*هم لن يعلقوك مجددا على مشانقهم
أنت هنا على المذبح الحجرى لا تنزف فقط تتأمل وجعهم بالأسفل

*أنت وهو وهم محكومون بتلك الطرق الدائريه المفرغه من المنطق والعقل
 فالأيمان بالمطلق والأيمان بالفناء يمنحهم الوجوديه

*الودعاء الطيبون أكثرهم خبثا هكذا فسر لك ما أمتلئ عقلك به من قراءات

نحن جميعـا للمتـعه

هسرد أحداث بترتيب الظهور :

1- صوره لأحمد شفيق رئيس الوزراء السابق و المرشح للرياسه وهو فى أحد المناسبات الأجتماعيه وحواليه مجموعه من الستات الحلويين

2- صورة حفيد المشير طنطاوى وهو مع أربع بنات فى احد المناسبات الشخصيه" بنات حلويين "...

3- مقال لأحد الصحفيين فى جريدة الفجر عن الأخوات فى جماعة الأخوان المسلميين بعنوان" نساء المتعه" وكيف تستخدمهم الجماعه فى جذب جماهيريه لها بالشارع
 

4-صوره للفريق "عتمان" احد أعضاء المجلس العسكرى و هو فى أحد المناسبات الأجتماعيه بصحبة امرأه جمليه.


الاربع النقط السابقيين تم أستخدام كل واحده فيهم لمهاجمة الشخصيه العامه اللى ظهرت فيها يعنى تم مهاجمة حفيد المشير و أحمد شفيق و اللواء عتمان و مهاجمة قيادات الأخوان...


*طيب هو أحنا ليه دايما بنستخدم المرأه فى كل مره على أساس أنها حاجه وحشه وأنها شئ مثير أو سئ السمعه واللى يطلع مع واحده ست فى صوره يبقا قليل الادب هو أه صحيح المرأه مثيره بطبعها لكن أننا نتصيد لكل واحد هو خرج مع مين ولا حضن مين ولا راح  فرح مع مين أعتقد أن دا مش من الحريه فى شئ  ولا من "المدنيه_ الاسلاميه" اللى الناس بتنادى بتطبيق أحدهما...

كالعاده أحنا مجتمع متناقض مافيش أى مشكله أننا نشتم بأوسخ الشتايم على تويتر والفيس وفى الشارع و نكون منفتحين فى علاقتنا مع أصدقائنا من الجنسيين و نيجى بعدها نتصيد للناس صور وأخطاء غير مبرره

ماله حفيد المشير أن شاء الله يروح يرمى نفسه فى بيوت دعاره , أحنا مالنا؟
أحنا يهمنا جده و سرقته لفلوس البلد وأنتهاكاته اللأدميه مع ولادنا والدم اللى ماجاش حقه..

طب ماهو لو الموضوع تصيد أخطاء الشباب مش شرفاء أوى ومن السهل لأى حد يتلقط له صوره فى أى حته ويقولوا شوفوا  الشباب اللى بيقولوا عايزين ثوره ..

الحريه اللى بنتكلم عليها تجبرنا أننا ماننتهكش الحياه الشخصيه للأفراد كل اللى يهمنا من الأشخاص تعاملاتهم السياسيه ,الاقتصاديه,الاجتماعيه

* الواضح يعنى وبلا أدنى مبرر للشك أن المجتمع دا شهوانى وحشى بطريقه فعلا وسخه كل تفسيره للأمور قايم على مبدأ راجل وست راجل وست ,مافيش حاجه أسمها أنسانيه أنك بتتعامل مع انسان قبل ما تبص لجنسه أنك بتتعامل مع أفكار مع عقل .

*مش معنى أنى ضد المشير أو أحمد شفيق أو الأخوان أنتهك حياتهم بالطريقه دى وأعمق فى المجتمع التفكير السطحى الجنسى فى سلبيات كتير جدا ممكن نركز عليها نفضحهم بيها. 

نهائيا بفتكر موقف طلاق دكتور أيمن نور وجميله أسماعيل وأزاى أمن الدوله وقتها أستخدم دا فى بث شائعات فى الشارع لتشويه صورت دكتور أيمن نور وأحنا طبعا ما قدرناش نفرق بين شخص أيمن نور السياسى وأيمن نور الانسان فى حياته الشخصيه وفضل الشارع تجريح, أمن الدوله وقتها كان عارف طريقة تفكير الشعب المصرى اللى بيخلط كل حاجه ببعض وماعندوش تفرقة بين الحياه الشخصيه للرموز "أين كان مجال عمالها" و بين حياتهم المهنيه

أفاتـار بيضه

بفتقد خصوصية العالم الأفتراضى
 
يمكن أو شبه أكيد الاول كان العالم الافتراضى المتمثل فى مواقع التواصل الاجتماعى هى بالنسبه للجيل الاول والتانى من روادها هى أحد وأهم وسائل الصفاء العقلى و تلاقى الافكار المنقحه و بشكل كبير أنعزال عن واقع غير مرغوب فيه.

كان من النادر حد يلاقى أبوه أو أمه على واحد من مواقع التواصل الاجتماعى الا أذا كانوا أباء وأمهات مميزيين بيقبلوا ثقافة الأختلاف  دلوقتى عيلتك بتمثل 10%من الأفتراضيين اللى موجودين على أكونتاتك الأفتراضيه المختلفه.

نهائيا يعنى مين اللى دخل تويتر و الفيس فى 2009 هما الشباب اللى بيقروا محمود درويش أو غابريال ماركيز "عارفه أن مش كلهم كدا بس دول الجهه المؤثره الواضحه"

كان فى حالة من نقاء الأشخاص ناس فعلا بتسافرلهم أو هم يجولك علشان فعلا تعرفك عليهم هيضيف ليك الكتير

 ساعات كتير بدور  فى أهم نتايج الثوره بلاقيها منحصره أن الشعب بقا بيسمع عن حاجه أسمها ماسونيه لأول مره فى حياته و مواقع التواصل الاجتماعى فى مصر زادت حوالى مليون مستخدم جديد..

مليون مستخدم !!!

أخر أسبوع من ال18 يوم فى الموجه الأول من الثوره تقريبا الشعب فعلا  بكل طوائفه نزل بعد ما الفئه الجريئه الشابه أنهت معركتها مع الشرطه ولحد ما أصبح اللى هينزل يتظاهر مؤكد هيرجع بيته سالم غانم...

ودى نقطة التشابه المجد دايما لصاحب الخطوه الأولى اللى بعدين لما بتنجح بتلاقيها بتنتشر بين كافة الطوائف .

الفكره أن أنتشار الفكره بين كافة الطوائف أحيانا كتيره بيضعفها أو بيفرغها من مضمونها .

حلاوة تويتر أن يكون عندك 300 فلورز على الأقل تعرف نصهم أو بدءت خطوات فى أنك تتعرف على نصهم وأنك تلاقى ليهم تويتات ذات مضمون مش copy _paste

العالم الأفتراضى بالنسبه ليا أصبح مسخ

تبرجهم حلال...حلال

        أعتقد يعنى وحسب قرايتى وفهمى لكلام الله فى  الأديان كلها أن رجل الدين اللى يقول كلمة حق فى وجه سلطان باطش هو مفضل عند الله من رجل دين ينافق السلطان.

فى التوازى اللى أنتشر فيه أخبار عن أنتشار "جماعة النهى عن المنكر والأمر بالمعروف" فى بعض محافظات مصر

*بعيدا عن أنى مش مصدقه الموضوع دا وأن لو الكلام دا صحيح كان هيبقا فى شهادات من شباب كتير مش مجرد أخبار من جرايد بتجرى ورا فكرة الخبر اللى هيحقق أعلى أنتشار بين الجماهير

المهم فى الوقت دا شفت صوره نشرها كتير من الفريندز عندى عن عدم ألتزام زوجات وبنات ملوك العائله السعوديه بالزى الشرعى وأن رجال الدين لم يحركوا ساكن لهذا.

هو بعيدا عن أن رأى أصلا وأنتوا مال أبوكم كلكم ما كل واحد يلبس ولا يقلع زى ماهو عايز ,بس تطبيق لمبدء المساواه فى الظلم عدل فكمان المساواه فى التخلف عدل.

فأكيد أنا نفسى حد من اللى بيسموا نفسهم رجال دين وشيوخ يطلع يتكلم عن العائله السعوديه ومش بس نسائهم لاء يتكلم عن حفلاتهم وأموالهم وعلاقاتهم بالغرب , ومش عيلة ال سعود بس كل من نصبوا نفسهم كبار على شعوبهم.


لكن أنا كمان عايزه أتكلم فى الموضوع من وجهة نظرى
أميرات السعوديه أو زوجات وبنات الحكام العرب فى بلادهم العربيه بيلتزموا بالسلوك الأجتماعى  طبعا للحفاظ على مكانة عائلاتهم وسط شعبهم و لأن دا العرف الأجتماعى , لكنهم أول ما بيخرجوا برا القيود الأجتماعيه دى بيبدوء يعملوا اللى هما عايزينه وأنا مش بعترض مع أى حد فى دا كل واحد حر.

الفكره أن دا بيعمله كتير جدا من شباب العرب مش بس البنات , تعرف كام حد من أصحابك سافر برا حدود قريتكم وراح مثلا للمدينه يتعلم وأتغير كتير جدا فى سلوكياته ولما بيرجع القريه  بيلتزم بسلوك القريه ,أنا عن نفسى أعرف مهندسيين أصحاب أبويا أصولهم من قرى ممكن يكونوا منفتحيين جدا معاك فى الكلام والأفعال وساعات كتير فى تربية ولادهم لكن أول مايرجعوا زيارات لقريتهم كل شئ بيتغير  وقيس على هكذا

النقطه أننا كشعوب بتصدر مننا أفعال وسلوكيات بيحكمها بشكل جذرى المجتمع اللى حواليك لكن مش مدى صحة أو خطأ الأفعال دى أو مدى قناعتك بيها أعتقد علشان كدا احنا شعوب مشوهه ماعندهاش قرار واضح فى حاجه مش قادريين نمسك طريق واضح محدد ونمشى عليه دايما بنفكر فى المنظر لكن عمرنا مافكرنا فى مدى صحة الفعل دا.         

حينما أجتمع الفقر والجهل (1)

شهادتى على أنتخابات المرحله التانيه بدايره أولى سوهاج


نزلت متأخر شويه ماحضرتيش فتح اللجان للأسف , كلمت عمرو عصام وأستنانى هو و أحمد عبد اللطيف والسنباطى قدام مدرسة الباحثه الباديه.

هبدء الأول بعرض اللجان اللى دخلتها وملاحظاتى على كل لجنه وبعدين هعرض وجهة نظرى عن كل اللى شفته.

مدرسة الباحثه الباديه:                                               

للأسف نسيت أسأل رقم اللجنه كام):
ملاحظاتى : رئيس اللجنه جه يبص فى الكلام اللى بكتبه فبقله مش من حق حضرتك تشوفوه فقالى طب أتفضلى روحى اللجنه التانيه قولتله لاء أنا هكمل هنا شويه فسكت
_ اللجنه كان فيها عدم أنضباط فى دخول الناخبيين وزحمه جوا مقر اللجنه
_ كان فى حاله واحده تصويت جماعى
_ عدم الألتزام بالحبر الفسفورى
_تقييمى للجنه: متوسطه
 

مدرسة الشيماء:
لجنه143-144:
_ رئيس اللجنه كان معارض دخولنا فى الأول وفضل طول اللجنه يزعقلنا رغم أننا ساكتين
_عدم النظام فى دخول الناخبيين لمقر اللجنه
_عدم الألتزام بالتصويت فى الأماكن المخصصه لهذا
 _ تقييمى للجنه: متوسط

لجنه145-146:
_ وجود ناخبيين فى حالات عجز وفى حاجه لمساعدة رئيسة اللجنه للتصويت ولم تساعدهم
_النظام بداخل اللجنه كان سئ جدا
_رئيسه اللجنه لم تكن مهتمه بالنظام داخل اللجنه "كانت مشغله الmp3 وبتسمع وعايشه حياتها ولما التلفزيون جه يصور سابت اللجنه تعيش مع نفسها وأهتمت بالتصوير "
_تقييمى للجنه: سئ
مدرسة الأعداديه الحديثه بنات:
لجنة115-116
_ترحيب رئيس اللجنه بالمتابعيين
_عدم النظام داخل اللجنه
_تصويت جماعى
_عدم الألتزام بالحبر الفسفورى
_عدم مساعدة الناخبيين الذين بحاجه للمساعده" أكتر من حد مسن كان طلب حد يساعده فى التصويت لانه مش شايف أو لكبر سنه ورئيس اللجنه رفض"
_ الزحام الشديد على اللجنه من قبل الناخبيين
_تقييمى للجنه: ضعيف

لجنة117-118
_ أحد الناخبيين يحرض الأخريين على أختيار رمز أنتخابى معين.
_ تحريض من أحد موكلين المرشحين لأحد الناخبيين الذى رفض رئيس اللجنه مساعدته.
_عدم الأنضباط باللجنه
_تقييمى للجنه: ضعيف

مدرسة الأعداديه الجديده بنين:
لجنه 109-110
_ تحريض من أحد الناخبيين على أختيار مرشح ما
_تقييمى للجنه:متوسط

مدرسة التيسير
لجنه7-8
_عدم النظام بداخل اللجنه
_تصويت جماعى
_ عدم قدرة رئيس اللجنه على ضبط اللجنه
_تقييمى للجنه: ضعيفه

مدرسة النيل:
لجنه9-10
_ تواجد لزوجة احد كبار الفلول وعضو الحزب المنحل وعضو سابق للبرلمان ولواء تعذيب أمن الدوله: حازم حمادى
_تققيمى للجنه: متوسطه
مدرسة أسماء بنت أبى بكر
لجنه68:
_رئيسة اللجنه وكيلة نيابه شابه متعاونه جدا
_ اللجنه الاقبال كان فيها ضعيف جدا

مدرسة الأعداديه الجديدة بنات

لجنه65-64:
_عدم النظام داخل مقر اللجنه
_تقييمى للجنه: متوسط

لجنه 63-62:
_ زحام شديد باللجنه
_تصويت جماعى
_عدم الأنضباط داخل مقر اللجنه
_ تقييمى للجنه: ضعيف

مدرسة الشهيد طيار
لجنه7-,78:
_تصويت جماعى
_ عدم الأنضباط داخل مقر اللجنه
_طرد كل المراقبيين باللجنه من قبل رئيسة اللجنه رغم وجود أنتهاكات "التصويت الجماعى"
_ تحريض من أحد الناخبات لحزب النور فى صفوف الأنتظار بشكل مباشر وملحوظ" لما جت تطلع عدت على كل واحده فى الصف قالتلها الفانوس حزب النور"
_تقييمى للجنه: سئ

لجنه79-80:
_رئيس اللجنه متعاون جدا مع الناخبيين الغير قادرين على الأقتراع
_ تقييمى للجنه: متوسط

*ملحوظه: وجود تكثيف أمنى من الأمن المركزى والجيش وذلك لطبع المنطقه حيث أنها عشوائيه جدا
_ وجود دعايا أمام المدرسه مباشرة لحزب النور وحزب الجبهة" بيدوا الناس أرقام لجانهم ورقهم فى الكشف فى ورقه عليها دعايا ليهم" و الجيش يتركهم بحجة أن الموظفيين المختصيين بالبحث للمواطنين فى الكشوف عن أرقام لجانهم غير متواجديين.

الورقه الزرقاء

أشياءك الصغيره لن تموت هنا
ليس هنا بل فى السماء

هناك فى تلك الورقه الكبيره
التى تظل تعلق عيناك على زرقتها

تلك الورقه الهادئه فى صباح الجمعه
فتظل تردد: هنا يسكن الله فى الأعلى

بعد بضعة سنوات من الان سيكون حال لسانك:
أين هى تلك القوه الألهيه ؟

منـولـوج داخلى

                                               (1)
من ضمن التويتات اللى أمنت بيها أوى ومصدقها جدا كان فيما معناها "أننا جيل بقا كل حياته من المشرحه للميدان والضرب ومن الضرب للمشرحه وأننا هنعانى من أزمات نفسيه أكتر من جيل الستينيات" مش قادره أفتكر التويته لمين ولا أفتكر كلامها بالنص بس أنا مصدقه دا جدا..

ريم الهوارى: بنت صعيديه من أسيوط تقريبا هدخل فى السنه التانيه من معرفتى ليها أول ما عرفتها كان بسبب مظاهره فى أسيوط كانت أصغر واحده أشوفها بتجاهد للحق كانت فى تالته ثانوى الباقى مش مهم دلوقتى بس مهم تعرفوا أنها لسه بتجاهد

ريم النموذج الأقرب ليا لكن فى  نماذج كتير أوى زيها وأحسن منها ما أعرفهاش ويمكن حد منهم ينقذنى مره من رصاصه معديه ولا يحمينى مره من خطاوى الكلاب السعرانه ورايا  ويدوب وسط الزحام وماعرفهوش تانى ..الفكره أننا جيل مليان نماذج مشرفه أوى  وتعبت أوى .
                                        (2)
كنت بفكر أحنا بنجاهد ليه أووى فى أننا نمحى أثر الأنسانيه من جوانا وأحنا فى طريقنا أننا نطبق صورة الأنسانيه ولو جزء منها.

"الجاى مش أد اللى راح ؟
وللا إللى جاى أكتر؟"

دلوقتى جوايا لحظات من التفكير عن ماهية كل الوشوش اللى عرفتها والعقول اللى أبهرتنى والأمل اللى يحزنك ...يحزنك لانه أمل حقيقى وسط دنيا مش حقيقيه .

                                            (3)
كنا قاعدين كالعاده فى الكافيه عرفنا خبر أستشهاد حد جديد من مصابيين محمد محمود كنت متخيله أننا هنقوم نروح نلعن فى العسكر ونجهز لفاعلية ضد العسكر لكن الكلام والسهره فرضت نفسها ودخان الترابيزات مستمر

"عمال يدور ف صوان العزا
عمال يدور ف الوشوش
على حد لسه يعرفه
على حد لسة مودعوش
شفته ودع كام صديق وكام حبيب؟"

الدم بقا عادى جدا, ريحته عاديه جدا, سيرة محسن بتجى عادى جدا...
خيوط وهم المثاليه والعداله جواك بقيت مش عاديه ..

وتكـلم

الأوله كتاب عن سجون عبد الناصر فتعرت ماريا وسقطت ورقة التوت
التانيه العوامه 70
التالته زوجة رجل مهم...




حينما تسقط ورقة التوت عن الخشبه التى أرهقها الصدام بنعالنا...
حينما أكتشفها عبد العاطى فى محلج العوامه 70 أو رأها أو تربيته الشجاعه جعلته لا يستطيع الصمت عن هذا.
_أزاى  بيحرقوا ويكسبوا فى نفس الوقت!" أحمد زكى بالعوامه 70"
_بس كدا يافندم فى اجراءات فى التفتيش والقبض كانت غير قانونيه وكدا منظرنا وحش قدام المحكمه" ظابط صغير بزوجة رجل مهم"
_انت هتفهمنى شغلى...,هكذا أجاب هشام بزوجة رجل مهم

1يونيو1957...قتل 16 وجرح 28من معتقلى الأخوان بسجن طرة فى أقذر حملات تصفياتهم بالمعتقلات,هكذا كتبت فاطمة عبد الهادى برحلتى مع الاخوات المسلمات.

الزعيم العظيم "جمال عبد الناصر" ثم الرئيس المؤمن"محمد أنور السادات" ثم الرئيس الاب"محمد حسنى مبارك" جميعهم حرقوا الوطن وكسبوا ايضا.

هناك من كسب الزعامه كذهب القشره ومنهم من صنع شهيد ولكن شهيد الارهاب الذى فجر نفسه بمحطة مترو مدريد ومنهم من كان سقوطه سريعا كما تنتهى حداثة هاتفك سريعا وتسعى لتبديله بالأحدث.

كما سأل أحمد الشاذلى بنهاية فيلم العوامة 70
"فيلمى الجاى عن البلهارسيا اللى ماخفش منها اخويا وابن عمى لحد دلوقتى ..مين المسئول؟"

مين المسئول عن حرق الوطن ...ومكسب هؤلاء

شعب بذاته باع قضية وطنه ومصيره كما فعل الشاذلى مع عبد العاطى وذهب عنه بعيدا اللى ان مات عبد العاطى وظل الشاذلى باكيا على الاطلال والوجع..
أم كمهندس الرى والد إيمان بزوجة رجل مهم أبهره الارتباط  بمن رصف الشارع خصيصا من أجل أبنته وحينما أراد استقلالها عنه وجد التبعيه.

هكذا ربطنا الغرب بعجلة اقتصاده وبمصيره ويتولى دور الظابط هشام فى الواقع الظابط الذى يسعى الى ان يكون رجل مهم ويستخدم زوجته الحسناء واجهه اجتماعيه له..هكذا يسعى الغرب لتعظيم شأن نفسه فقط لفرض سلطته الابويه ملقيا بتقارير الفقر الانسانى واختناق المستديره وتكن النهايه انتهاءنا بنتهاء الغرب طلقة رصاص اقتصاديه كفيله بجلب المزيد من الدماء...

دايره واحده

أقرى فى شعرها و أقرى فى شعره
أقرى فى تدوينته وتدوينتها
تحس ان هما الاتنين دايما بيدوروا حوالين دايره واحده
حابيين ان هما يوجعوا بعض بذكراهم
وهو واجع نفس قلبه بريحتها اللى فى كمه
وهى كمان واجعه نفسها  أوى بالسلسله اللى جابهالها
وحكاوى أصحابها عنه
والكتاب اللى جابهولها مره هديه وقالها هتفهمينى من الكتاب دا
بتوه أنا مابينهم هما الاتنين
ابيات الشعر عنده موزونه قوى
وهى السرد والطريقه وعناصر القصه
فى اخر تدوينه ليها كانت محبوكه أوى...

واحد اتنين ...الثوره راحت فين؟

فاكره ان الثوره لما كانت لسه نبضها سارى فى عروق المصريين
قريت مقال لواحد خواجه بيقول :على المصريين  الحفاظ على ثورتهم وعدم تكرار مأساة1919...
قعدت اسأل انا ايه اللى حصل فى 1919..قالولى الثوره ضاعت منهم
انا حاسه بجد ان التاريخ بينسخ نفسه تانى زى الكروموسومات فى عملية الاخصاب 
واحنا مافيش من جهتنا اى تعديل وراثى ولا اى حاجه 
"ثوره اونطه هاتوا شهداءنا"

نجيب سرور

على بداية البيت والعماره والحى والناس
عين حسود زرقا
بتحسد ولا تحمى من الحسد ؟
ما اعرفش انا بس الاصل فى الحسد طمع ونقص فى غية اجابتك.
انا الكون والجوابات والعناوين ونجيب سرور
مكدبش لما زعق وقال
الاميات
دى الاجابه الصح والاحق والاصدق مع كل اللى فات واللى هيفوت
كانت النهايه ماشى فى شوارعك يامصر بينادى بالاحق افتكروه جنون فمات من سكات العاقلين

حبر سائـل

هى غربة أخرى قادمه فلا تكتب تاء التأنيث أو نون النسوه أو واو الجماعه,
فلم تعد هناك جماعه تنتمى لها ولم يعد للمجد أفق قد يحلق بالسماء أو تحلق به انت.

كثيرا ما تأملت  الوجع الداكن بجوانب الذات لعل ِ أذكر للذات مفهوم.

اليوم أدرك معنى السراب ومعنى ذاتى ومعنى اننى هنا والعدم بذ ات درويش وأثر الفراشه
"هذا هو اسمك"
هذا هو وطنك وعالمك وذاتك وشعارك وفصيلة دمك الاجباريه وكائناتك الهلاميه بالجسد وروح الاخر التى تسكنك
وروح الحق كيف هى الان بداخلك ؟
لا أعلم للكلمات مخرج أومدخل أو معنى لست أدرى لما يجيدون التدوين بالحبر الجاف
فانا أتقن التدوين بالحبر السائل كنهر دم أبنائى

بداية القصه

اهداء لمن تشبهنى حد الموت اهداء لاخت قبل الصديقه
اهداء لمن لعنت تزيف الوجوه:

سماح فؤاد

أياميها كان لى قلب
بداية القصه......
تقريبا القصه مالهاش بدايه القصه فرض جبور وخواطر القصه ان العيون متكحله ومرسومه لجل القلوب ماتقع وتتألم القصه ان احنا القصه .

ويادوب افوق
لحن المزيكا اللى لعبها اخر مره لسه فى ودانى فى وقت الحلم
 لسه نور ضى القمر فى الحفله فى خيالى لسه شوقى له جواى لسه كلمة لسه بتنكتب فى كلامى .
انا لسه سكران فى بحر هواه.
واعمل ايه فى بنيه بكل كيانها عشقانى
ودى كانت بداية نهاية القصه ان البنيه هى بس اللى عشقت ان الوجع لمس قلبها هى وان الذكرى حفرت ضلعها جوا صدرها هى.
وفضلت الحكايه والقصه انه كان عشق سكرة اول موت لأيزيس