على مشاوير السكه
دابت كعوب رجليا
وبسم كل نعل جذمه اشتكى
ياهل ترا هل للسكه ضيا؟
.....
مشهد خارجى
شمس مش مدفيه اهلها قووى
سما ميبانش انها صافيه قووى
ارض الخير فيها انكسف ينطرح
وناس اترسمت على ملامح وشهم
خطوط وتعاريج متعرفلهاش
ان كانت بؤس ولا جحود ولا أسى
......
مشهد داخلى
جوا المدرسة
عيال صغيره من الوشوش اليائسه
وكائن ما بيقولهم
انا الصح انا الملك
والغلط عندى
يتمد على طراطيف رجليه
اختار اضعفهم صوت
وعينه عليهم حكم صغير
يكتب اسامى الغلطانين فى غيابه
وفى اخر اليوم مع جرس انفراج الغلابه الصغيرين
لقيت ظهرهم محنى وهما راجعين للوشوش البائسه
.........
مشهد جوا الذات
ضلمه!!
اه ضلمه
وشوارع جوا الذات متكسره
اصلى لسه ماده مواسير جاز
لعل وعسى
ذاتى تنور بانجاز
