تلخيص يوم فى قـلب الوطن

دعــونى أخبـركم أنه الوقـت , الـوقت هو الـوحيد القـادر على كل شـئ كل شـئ يا سـاده

فـ أرتجـلا الصـديقـان شعـراً فى زحـام العـامـه , فنـظر لـ صديقـه  و قـال : هـذا هو الشعـر الحق يا صـديقـى

عـن أزمـه الهـويه و الـوطن عن النفـس و أمـراضهـا التى لا حـدود لهـا , عنـهم هـذا الوطـن الاخـر داخـل الوطن .

قـد مـرت 6 سنـوات على وفـاه جدى , اليـوم فقـط علمـت من أيـن كان يأتى بزجاجات العطـر الصغيـره   التـى كنت أخـذها منـه و أجـده قـد أتـى بغيـرها فى اليـوم الثـانى

كـان يسبـح هنـاك معهـم بعيـدا عنـا بعيـدا تمـاما

اليـوم رأيـت الـوطن بنـزيـفه و قـد تـلوث لكـنه قـادر تماما علـى أن يفتـرش الـرصيـف ليعـرض بضـاعتـه , ليكسـب رزقـه

 اليـوم رأيـت الـوطن من الداخـل ونحـن كخـلايـا النمـل نسيـر و حسـب , نسيـر و نفـأجى بلـحظة سقـوط الـوطن

هـذه الازقـه و يد صديق تأخـذك تحميـك , تخـاف عليـك من الانجـراف هنـاك معهـم

كـم كـان الـوطن بسيـط  , مثلهـم

وكـيـف أمسكنـا المشـرط حينمـا رأينـا الغـربـاء يضـاجعـون الـوطـن ولم نصـرخ و لم نغـض البصـر , بـل وقفـنا كثيـرا ننـظـر كيـف يضـاجع الـوطـن

....

كانت صدفة ... مجرد صدفه

و الألـم يمـلك مهـارة يـد الجـراح , المشـرط لا يـؤلم , لا يـؤلم  , كل الوجـع من منظـر القطـع

الالـم لا يـؤلم لا يـؤلم كـل الالـم من حـق أصبـح يجلس القـرفصـاء فى الانتظـار

الشهيـد أحمد بسـيونى

 الجزء الاول من فيـلم تعـريفـى بالفنـان و الدكتـور الشهيـد / أحمد بسـيونى 




الجزء الاول :
http://www.youtube.com/watch?v=I_stWWrMibQ&feature=share

 www.ahmedbasiony.com :للتعرف على الفنان أحمد بسيونى واعماله الفنية

عن مرسى و العسكـر و الغبـاء

 , انا بتكـلم مع نفسـى

مين اللى قال ان أقالة طنطـاوى انهـئ لحكم العسكـر , ليه هى دولة العسكــر مفتاحها

مع طنطـاوى !!

 

من فتـره فى مجموعـه عملت على موقع الكتـرونى خريطـه مصـر وعليهـا ارقام

الوظائف اللى مفروض يتعيين فيها مدنيين ولكـن بيتولهـا عسكـريين , محافظيين

لمحافظات ومديرين لشـركات عامـه كبيـره ومهمـه



طنطـاوى مشـى من منصـبه وهيروح يصيـف فى لاس فيجاس , هو دا اللى حصـل

بالظبـط ولا هيتجاكم ولا نيـله وافتكروا مبارك والقضايا اللى ادفع فيها فلوس وأتعمل تصالح فيها



لكن لسـه المحافظ المسـئول بتاع محافظـتى واحد عسكـرى مقضيهـا رشاوى

ومجاملات و البـلد ماليانه زبالـه و فسـاد ادارى و حكومى ومخالفات فى المبانـى و

أزمـة بنـزين



* بالمنـاسبـه سوهاج كمـلت فعليـا سنـه كاملـه كل يوم فى طوابيـر بنزين قدام

البنزينـات عندنـا , سنــه كاملــه 12 شهـر الناس فى طوابير بنزين




مبـارك فيـن ؟

طبيعـى ان كل اعضـاء الحزب الوطنـى يبقـوا عايشـيين عادى بدام الكبيـر بتاعهم لسـه

ماتحكمـش , يعنـى عادى  ان حازم حمادى لواء التعذيب وعضو الوطنـى فى سوهاج

يفضـل بيعيش بكل حريـه بعد أقذر عملياته فى جهـاز الشـرطه وبعد فسـاده و قرفـه فى

عضويـة مجلس الشعـب

* بالمناسبـه ناس كتير فى سوهاج ماتعرفش شكل حازم حمادى لانه مش بينزل سوهاج اصلا رغم انه 15 سنه عضو عن دايرتهم



الدولـة العسكـريه هى الدوله اللى بتدى العسكـريين امتيازات اجتماعيـه وماليـه ,
 
مبدئيـا مرتبات الشرطه مش عاليه اوى اه زيها زى مستوى مرتبات كتيـر , لكن فى

المقابل و فى عيلتى لما نحب نسافر نروح لاى ظابط او وكيـل نيابه فى العيـله يجبلنا

تذاكر بنص التمـن و تقدر تحجـز فى اى فندق فى اى وقـت , طـب ليـه , ماهو على

فكـره الدكتور من حقه ياخد امتيازات زى كدا وعادى بقا الدكتور فى ايديه حياتك انت

لو ظابط  وجتله وانت مصاب وهو بقا كان مكسـل حياتك هتـروح

فكـرة الامتياز ذات نفسهـا , ليـه انت تبقى مميـز , علشـان ظابط , هى دى الدوله

العسكـريه


واخيـرا استهلاك مرسى و الناس فى صراعات اديلوجيه وهمـيه من غير تحقيق اى

تقدم اقتصادى ولو %,5 يبقـى دى اسمهـا مراهقـه سياسيـه و خـرا



فى معتقلـين فى مصـابيـن , للتـذكره   , وللتـذكره برضه رمضـان عام 2009 كنـا

بنجمـع تبـرعات لمستشـفى سرطان الاطفـال و رمضان 2012 بعد سنتيـن من الثوره

بنجمع تبـرعات لمستشـفى سرطـان الاطفـال

عن حاجـات

و يفضـل الكـلام دايـر عن كـل الحاجات

عـن كل الحاجات

قبل ما يصيبها الوبـا و التزييف , التلوين و الرتوش , الدبجات و التابهوات

قبل ما تغرق فى سطور الكتب , فـ لون أحزانهـا

عـن كل الحاجات , اللى ماعرفتيش الطريق بدرى و أتاخرت

 عـن كل الحاجات

 اللى شافتهـا العين و رفضهـا العقل و حبها القلـب


الــوطن ,

 الصحـاب فى الفجر  ,  شارع جدى وقت المغـرب


 و العيـون اللى شايله كل الحقيقه , العيون الواضحـه الصريحه اللى عارفه طريقها   

عن الحاجـات اللى بتقـدر تخلينـا ندور عليهـا فى التـوهه ونخاف من صدفـة وجـودها 

.

 و كل الجوابات

 اللى ما بتتكتبش, اللى مالهاش رد

 و كل الجوابات , اللى مابتوصلـش

عن بشـر

أتمنيتهـم بس تاهوا منى زى الوطـن أو ماحسـونيش

  

زى كل الحاجات اللى كان نفسـى أحسهـا و أحضنهـا و أقولهـا

شكــرا 

الاحـلام اللى  حبـت صفـة الحلـم و كـرهت ولادة الواقـع

عن كل حاجه

عن كل حاجه اتولدت جوا و فضـلت جوا

عن الخطوه الاولى قبل ما تتقص و تتلزق وتتلـون

عنـى و أنا كارهـه معاييـركم و عنكـم  و أنتـوا رافضينـى  

عــن ربنـا اللى ماعرفهـوش , بس شفـته مـره و مارضيـش يحضـنى من وقتهـا

الصبـر

_ النـاس غلابـه يا حلـم  و الصبـر دبل فى ساعات أنتظارهـم

_يا صابـرين على المحنـه , الصبـار مكانه فى قلـوبكم

_كل محنـة قلبـك أن المـره دى كلهـا حق

_و اللى مستنين على باب الصبـر وصوت فيـروز مصاحبهـم , السـلام أمانـة لكل حلم يتحـول لـ حقيقـه

_و الخطاوى متعصبـه بحق الحلم ودا هو طريقهـا للنـور

زليخــا

 
زليخـا زوجة عزيزي مصر و التى أغوت سيدنا يوسف عن نفسهـا

هذه هى زليخـا التى تعرفونهـا

ولكن أنا لى زليخـا أخرى لن تفهم هذه التدوينه الا بعد قراءة او الاطلاع السريع عن 

كتاب"زليخا ويوسف" لـ  الفارسى نور الدين عبد الرحمن الجامى

مؤخرا قراءة العديد من القصائد و كتب التراث و سمعت أشخاص ممتازون فى 

مهارة الحكى  عدد لا بأس منهم  ينظر لـ زليخـا نظرة المسكينه التى لم يفهمها أحد 

زليخـا لم تكن تعشق عزيز مصر و ما دفع زليخـا لـ يوسف هو العشـق ,

العشـق الخالص و ليس الرذيلـه , هذه النظريه  تواجه بكثير من النقد من الاسلاميين 

ولكن دعونـا بعيـدا عن الدين فقط أنظـروا للانسانيـه

هل أخطئت زليخـا لقد كانت صادقه , فقط صادقه يا رفاق الانسانيه

2-رسائل صباحيـه

الان الساعه الثامنه صباحا أرغب فى الكتابه , هذا اليوم الثانى على التـوالى الذى يأتينى فيه هذا الشعور !

الغرفه مظلمه تماما الضوء الوحيد الذى يزعج هذه الظلمه هو أضاءة اللاب , أذن كيف سأكتب أريد أضاءه قويه , لكن لا هل سأقوم لأذهب و أنيـر الغرفه هذا جهـد كبير لا أريده

سأكتب هكـذا فى مصاحبـة الضوء الالكتـرونى

كـم أصبحت الاشياء لا تثير أنبهـارى  قليلا جدا حينمـا أرى مدونة ما أو شعر ما أو كتاب ما يعجبنـى , نحن نعـوم فى نفس الدوائـر كل الأبداع و الحكمه –أعتقد الخبث أحيانا_ يكمن فى كيـف أن نكتب عن هذه الدوائر بشكل جديد

او هكـذا أرى انا الأمـور الان , أصبحت ملازمه للصداع , اليوم الذى لا يصيبنى فيه ألـم ما فى رأسى يجب أن أحافظ علي طول هذا اليوم كأنه مخدر يخفف عنى ألم الايام القادمه

أنى أدرك شئ الان أنا لست مثلهم لا أجيد فنـون الكتابه و الخيـال و السيناريو و أوزان الابيات و القافيـه  أنا فقط أكتب حينمـا أكون صادقه , فقط صادقـه

رسائل صباحيـه

الساعه الان السادسه  صباحا , لـتو أستيقظت من نومى أنى أريد أن أكتب تدوينه !

أذن سأكتب تدوينـه ولكن عن ماذا؟ , أتتسـألى يا زليخـا عن ماذا كل هذا الذى فيه و الذى حولك و تتسألى عن ماذ!!
أذن سأكتب أول شئ  سيـأتى بعقلى  و أراد الخروج من خلال هذه الحروف الألكتـرونيـه .

الأمـور جميعهـا لا تتعدى أى شئ من الأهميـه و الخصوصيـه كل شئ متساوى نحن فقط من نصنع حدود كل شئ ومكانتـه .
الأمر يحمل قدرا من الحرج و الطمـأنينه , الحزن و الفرح , الصدق و الخوف !!
لقـد تعديتى تلك الحدود الاجتماعيه التى وضعـوها  و تقاليـد و أسس ومبـادئ لقد حطمتى كل شئ يا زليخـا ثم  أتنتظـرين رد ؟!
عجبـا لكى يا زليخا

الـوردة التى و خـزت البسـتانى *
طبعـا , دونمـا قصد
لم تغفـر لنفسهـا , حتى أوان القـطاف



ثم يـأتى درويش كل صباح يخبرنى عن فنجـان بابونـج ساخن , ماهو هذا البابونـج ؟!
أنى كـ الكل كل صباح أرافق فنجان الشاى الســاخن , ولا أفكر أقتـل التفكيـر كل صباح و أغتاله فكم قد مللت منـه أنه فعل رتيب مرضى قد يصيب عضـلاتك العصبيه بالارتخـاء ,نعـم الارتخـاء الفكرى حينمـا ينهش التفكيـر خلايا مخـك ولا يترك خليـه واحده حيـه تستمتع بأستنشـاق ندى الصبح بمخيلـة  صافيـه

ثم أعـود و أسـال لما أكتب ومتى أكتب ولمن أكتب و كيف كانت كتابتى سابقا و الان ولما كل شئ يحد ث بالأساس.

 أقف كـ طفل لفظتـه أمه فى الملهـى فــ لم يجد راحـه اليد التى ستقوده لبهجـة الملهـى بكل طمأنينه  و لم يستمتع بما فى الملهـى من بهجـه
*أشعار: على منصور

بكـــرا

قربت أكره  كل البدايـات
الخـوف فى عنيا راسم
حكايـات


الخوف راسم كل السيناريوهات





قربت أكره بكرا
مادام اللى فات كان ناقص وجودك
فى الحكايات

قربت أكره صوت صفارة البعد

وقربت أكره أى خطوة قرب
قربت أكره كل العنـاوين و الرسايل و المواعيـد

قربت أكره فكره بتموت كل يوم  مع مكالمه فى قايمة الأمنيات

عن أبو الفتوح ....دعوه للتفكير

لقد أعتدنا  التفكير بصـوت منخفض فلا نرفعه قليلا حتى لايتهمنا أحد بالعماله و التخوين..

بعد سلسله التشقوقات_ما أقصدش الرجلين_ بين ما يمكننا القول انهم صانعى بعض القرارت الثوريه بالفتره الاخيره , أصبح كل منا يفكر مع ذاته لا يستشير أحد ولا يشارك أحد فى التفكير وذلك خوفا من أن تطاله تلك الموجه من التخوين .

لا أجيد المقدمات الطويله ولذلك هذه التدوينه ستكون حول ما فكر به عقلى عن " أبو الفتوح"

الأمر يبدء بشكل أكثر واقعيه فى ندوه أقمتها أسرة "صناع الحياه" بالجامعه مستضيفه دكتور أبو الفتوح للحديث عن برنامجه الانتخابى و لكى يوضح رأيه من ما يحدث فى البلد فى الفتره الاخيره , على حسب ما أتتذكر أن الندوه كانت بعد أحداث مجلس الوزراء.

أتذكر جيدا تلك التويته التى كتبتها أثناء مغادرتى لقاعة الندوه" أنا مشيت من الزهق , أبو الفتوح مش عايز يكون صريح و عايز يكسب الكل"

كل من يحاول أن يقرأ عن "أبو الفتوح" كأنسان وليس عضو الجماعه الأسلاميه أو قائد الأصلاح بـ الاخوان المسلمين سيعرف أن أبو الفتوح منذ ان كان طالب فى الجامعه له أحتكاكا بكل من هم فى التيار اليسارى و الشيوعيين و الليبرالين و هذه سمه له كما أرى فهوا لم يقصر نفسه فى الايدلوجيه الاسلاميه كما فعل الكثيرين من قيادات التيار الأسلامى حيث قصروا علاقاتهم الاجتماعيه و الصداقات على من هم تبعا لأيدلوجيتهم فقط ,

زيارة أبو الفتوح لـ"نجيب محفوظ"  والذى كان يراه العديد من رموز التيار الأسلامى مروج للفاحشه و الزنا و"بيبوظ مخ الشباب بالأدب و الخلاعه بتاعته" تماما كما حدث نقد لعلاء الأسوانى على رواية"عمارة يعقوبيان" مع أختلاف الفروق الأدبيه طبعا,
الأمر فى زيارة "نجيب محفوظ" يوضح لنا أو لى كما فهمت أنه نتيجه طبيعيه لشخص مختلط بالنماذج اليساريه الليبراليه يتفهم مصطلحاتهم و كلامهم و احلامهم و سلوكياتهم و أن لم يوافق عليها لكنه يتفهم هذه جيدا , أرى أن "أنس حسن" هو نموذج حالى لهذا أيضا ,أذكر موقف "أنس حسن" من شبكة رصد الأخوانيه فى تحيزها فى الأخبار لفترة ما فأنسحب أنس أحد مؤسسى الشبكه وكتب عن عدم حيادية "رصد" فى الاخبار .

حين تم تدشين "الجمعيه الوطنيه للتغيير" بقيادات ليبراليه يساريه أسلاميه وسطيه ذات التاريخ الادبى و الفكرى و السياسى  , كان هدف الجمعيه الوطنيه للتغيير هو جبهه قويه ضد نظام فاسد ولكن جبهه تعتمد فى البدء على خلق كوادر شبابيه ذات وعى سياسى بشكل متوسط كوادر شبابيه على معرفه بطرق التغيير السلمى و ثقافته و مفهوم " كرة الثلج" , أرادوا منا ان نكون شباب يواجه النظام ولكن على أسس علقيه وليس فقط بالهتاف و هذا كان نقطة تحول كبيره للكثيرين و كانت الجمعيه الوطنيه نقطه مهمه فى حياة الكثيرين و ساعدت فى الدمج أكثر بين العديد من الايدلوجيات و تقابل العديد من الكوادر ,

الاهم أن أنضمام أبو الفتوح لـ الجمعيه الوطنيه للتغيير لم يكن بصفته أخوانى ولكن بصفته مهتم بشئون الوطن عامة فقد أنضم أبو الفتوح للجمعيه قبل  التحالف الرسمى لها مع الاخوان المسلميين و هذا يوضح و يؤكد أيضا على شخصية أبو الفتوح التى لا تلتزم بالجماعه بشكل دائما و التى  توضح اتصاله بالعديد من النماذج السياسيه مختلفة الايدلوجيه .


المــوقف الأكثر وضوحا له ويؤكد على كل ما سبق هو نزوله يوم 25 يناير رغم قرار الجماعه بعد النزول , أن من شارك من الاخوان المسلميين فى الأيام الاولى كان معظمهم من شباب الجماعه لا من قياداتها  يمكننا أعتبار أن أبو الفتوح القيادى الاخوانى الوحيد الذى شارك يوم 25 يناير

أذن فانا أعتبر انه من خلال تاريخ أبو الفتوح وبعض مواقفه أنه أسلامى وسطى و ليس منساق وراء الاخوان المسلمين بشكل كامل , ولكــن

أن من يقرأ مذكرات مؤسسى الاخوان المسلميين أو من يختلط بـ أبناؤهم يعرف جيدا ان الاخوان ليست مجرد أتجاه سياسى هى حياه كامله منهج كامل فى التربيه و التعلم , أذكر أننى حضرت بعض دروس للأخوات فى القاهره و سوهاج , الأمر لا يمكن أنهائه هكذا لمجرد الأختلاف , الأخوانى هو نمط حياه وتفكير هو وجدان عاش مع جماعه هو أسس الأنسان المسلم الصحيح هو المعسكرات الدائمه مع الأخوه كل هذا لا يمكن ان يذهب هكذا
فى لمحة بصر

يــزداد الشك بعد ترشيح الأخوان لـ المهندس"خيرش الشاطر" , أتذكر أننى لم اتابع رد فعل هذا جيدا على تويتر و الفيس ولم أتناقش مع المقربين منى و أثق بتفكيرهم ولكنى فى اليوم التالى مباشرة كنت وسط عدد كبيره من أصدقائى _ اللى بتنحصر أهتمامتهم فى  أخر لون مانكير موضه ((:_ الأهم أنى لم أبدء الحديث مع أحد مطلقا فى ترشيح الأخوان لـخيرت الشاطر حيث أننى وجدت الجميع بمعنى الجميع_حتى المسيحيين_ يتحدثوا فى هذا , و  كانت الأراء السائده و المسيطره على كل الحديث أنهم سينتخبوا " أبو الفتوح"  عندا فى الأخوان المسلميين و ردة فعل لصدمتهم فى ما فعلوه من ترشيح خيرت الشاطر , أذا فقدت الاخوان الكثير من شعبيتها _حسب ما رايت_ بسبب ترشيحهم لـ خيرت الشاطر

ولكـن, ألم تدرس الأخوان جيدا تأثيرا ترشيحهم لـ خيرت الشاطر على شعبيتهم فى الشارع وردة فعل المصريين تجاه ذلك , أنها الأخوان المسلميين وليست حركه جديدة الظهور , أنهم لا يأخذوا قرارتهم هكذا _بالحظ_ ان ترشيح خيرت الشاطر لم يصب فى صالحه أو صالح الجماعه بالعكس تمام أدى لصعود نجم " أبو الفتوح" كثيرا.!!

يـأتى ترشيح "عمرو سليمان" ليجد الجميع أن أبو الفتوح هو الملاذ و الاختيار الامن فهو ليس أخوانى_ فيتضح تدريجيا أن الأخوان بتوع مصلحتهم_ و أنه ليس من رموز الفساد و له مواقف فى المعارضه و القضيه الفلسطينيه تزيد من أحترامه فى الساحه الشعبيه

أذا كل شئ يصب فى صالح أبو الفتوح ليزداد نجمه علوا بعد خروج "حازم صلاح أبو أسماعيل" , ويجب أن أذكر هنا ما قالته لى صديقتى "أسماء" أن أستبعاد أبو أسماعيل أنما هو أستبعاد للمرشح الأكثر شعبيه و الذى أن حدث تزوير فى الانتخابات سيكون واضحا من خلاله حيث أن شعبية أبو أسماعيل على الأقل ترشحه للوصول للأعاده و لكن ان لم يصل أبو أسماعيل للأعاده أذن فهناك  تزوير واضح , أن أستبعاده ليس أستبعاد المرشح "الأحق" ولكن استبعاد المرشح "الأوضح و الأقوى"

الأهم أن أنصار أبو أسماعيل سوف يبحثوا بأى شكل _بعدما يسلكوا كل الطرق لعودة مرشحهم ويفشلوا_ عن مرشح يعطونه أصواتهم فى النهايه هم لن يقاطعوا الانتخابات ولن ينتخبوا مرشح الأخوان المسلميين وذلك لأنه من المعروف تلك المشاكل السياسيه و الدينيه بالمرتبه الأولى بين الجبهتين  و بالطبع لن ينتخبـوا ناصرى أو علمانى , أذن فكل الأتجاهات تؤدى إلى أبو الفتوح !!


أخيــرا, ان أغلب المتطوعيين فى حملة أبو الفتوح من شباب الأخوان الذى أنفصل عن الجماعه أو من مازال عضوا بالجماعه و يعمل بشكل واضح فى حملات دعم أبو الفتوح فى المحافظات ولم تفصله الجماعه إلى الأن وهذا يجعلنى أقف كثيرا و أفكر لما الشباب الأخوانى هو الذى تجده فى حملة دعم أبو الفتوح , لا أقصد  ان الجماعه تدفع بهم للعمل بالحمله لكنها لا تعاقب من يعمل فيها ,

و هناك العديد من شباب الاخوان و كبارها يؤيدون أبو الفتوح فى قلوبهم و هذا ما سيفعلونه فى ورقة التصويت سيضعوا العلامه أمام أبو الفتوح وقد يخرجوا ويقولوا أنهم أعطوا " محمد مرسى"


فى النهايه , هل يعلم أحد منا ماهو البرنامج الصحى لكل المرشحيين الموجودين , أن كان أبو أسماعيل بذاته سوف يصنع تطورا وتنميه فى المجال الصحى بمصـر فسوف أنتخبه ولكن لاأحد يتحدث عن تنميه واضحه , جميعها برامج أنتخابيه هشه ضعيفه غير محددة الخطوات الصريحه


تظل جملة فادى هى الحقيقه " الرئيس الجاى مرهم مش مطهر"
ملاحظات: * أسرة "صناع الحياه" التى أستضافت أبو الفتوح فى الجامعه ذات طابع دينى وسطى وهذا معروف لكل من عمل بالعمل التطوعى فهى فكرة الداعيه الاسلامى" عمرو خالد" ,


لقد تم أستبعاد الشاطر وسليمان ولم تكسب الجماعه شيئا ولم تكسب المخابرات شيئا و ظلت شعبية أبو الفتوح هى من تعلو

بالنهايه كل ما أهدف له من كل ما سبق أن نفكر جيدا


18-4-2012

عــ الحدود

ولدت داخل حدود المنطقه "أ" ثم يقرر من جئت من دمائهم الأنتقال إلى داخل حدود 

المنطقه" ب"  ثم يقرروا العوده _بعد فترة ما من الزمن لا أقدرها_ إلى داخل حدود 

المنطقه "أ" لكى لا نفقد "أصولنا" !!

 
المنطقه "أ" تلفظنى أحمل ثقافة المنطقه "ب" التى لا تتقبلها المنطقه "أ" فأنحى جانبا 

ثقافة المنطقه "ب" لأحاول محاكاة المنطقه "أ" لكنى أجد أنى هكذا "مسخ" ,

 
أقرر بمفردى العوده لداخل حدود المنطقه "ب" فأجدها قد أصبحت غريبه عنى وبعد
 
أن نحيت عاداتها جانبا لا أستطيع أستردادها

فأظل هكذا "عــ الحدود" لا أملك سوا ثقافة الحدود

ورقة التوت الألكترونيه

ورقة التوت الألكترونيه

_ هو ليس مادى الوجود بل أفتراضى  لكنه ..., "حدث بالفعل".

_نموذج موثق لهذا الزيف الأجتماعى  و هذه النفس المطمئنه للسوء.

_وفيه , قابلت ناس أفتراضيه أكثر واقعيه من هؤلاء الذين ملؤا واقعيتى أحداث أفتراضيه

_هو نموذج مصغر لعذاب القبر و سؤال الملائكه أن لم تهرب

_ورقة التوت كم كانت خطيئة الله فأسقطها هو

_خير شاهدا و دليل

_أول من يسقط خيوط الماريونيت فقط برؤيته و تصفحه

_ يحمل شهادة أكثر مصداقية لدى من صلاة رهبان الاديره و المساجد

_كل مازاد عدده كل مازادت ورقة التوت حجما

لم أقدس أى أفتراضى مثلما قدسته فضيلة القديس/ الأنبوكسinbox

عبد الرحمن الموافى

#freemowafy
عبد الرحمن الموافى, شاب عمره 19 سنه
أولى كلية الهندسه
تم ألقاء القبض عليه من ميدان التحرير يوم 5فبراير و عرضه على النيابه والحبس 4 أيام على ذمة التحقيق وسيتم ترحليه بعدها على سجن المزرعه طره
عبد الرحمن متهم فى قضايا :حيازة سلاح ومخدرات  و محاولة أقتحام مبنى وزارة الدخليه و التعدى على ظابط شرطه
للعلم عبد الرحمن لم يكن بشارع محمد محمود معقل الاشتباكات
Moavy Abdul Rahman, a young man 19 years old
The first Faculty of Engineering
Has been captured from Tahrir Square on February 5 andpresented to the prosecution and imprisonment of 4 days, pending investigation and will be after the migratory farm Tora prison
Abdel-Rahman accused in cases of: possession of a weapon, drugs and attempt to storm the building of the Ministry and Ahmed told infringement Zabt Police
Of science Abdul Rahman was not a stronghold of Mohamed Mahmoud Street clashes

تنتـصر

هن الفتيات الجميلات
كالفراشات ينطلقن
,ولايموتن
لايموتنِِِ على طريق الأحلام
بل يحيينا الخيال بواقع العناد
,ذلك الذى بزغ بقوة حق الخيال
بقوة حق الخيال لايموتن
أنه قابع فى الزمن والفؤاد لايموت
الحلم..الأنسان..الأمل..الغريزه..الكره..والسؤال
من الأله ؟..ولما لا!..ولما هناك فى المساء...
لايموتن مطلقا
فقط الأحلام بحق الخيال
تنتصر...
وأنتظروهن على الحق
فوعد الحق ليس بالعيد

تسليم الست سلطه

بصراحه أنا تعبت وقرفت من موضوع التسليم دا , دا لو بنسلم حاجه بيعاقب عليها القانون كان زمانا لقينا طريقه .
 

بس فعلا أول مره أحس أن المره دى القرار فعلا للشارع التجربه فعلا للشارع مش للشباب ولا النخبه

الشارع لازم يحدد مصيره يا يكمل يمشى مدنى عادى  أو  يكمل عبد لبيادة العسكر أو عبد لشوية دقون وتجار كلام .
وهنا المشكله وهنا الفرق بينا وبين تونس, مش ناسيه لما السنه اللى فاتت كانت الثوره فى تونس شغاله ولما بدءوا يقولوا هتاف" أذا الشعب يوما اراد الحياه فلابد أن يستجيب القدر" , يومها مذيعة قناة العربيه كانت بتسأل المراسله هناك: الهتاف دا أصلا بيت شعر أزاى يعنى  يعرفه  شعب بأكمله و أزاى خطرلهم فكرة الهتاف به؟
كان رد المراسله معبر و واقعى: أن الشباب التونسى متقف جدا ومطلع فأصلا دور نشر الكتب تعد تجاره رابحه فى تونس من كثرة حب الشعب للمعرفه وغير أن تونس من الدول العربيه اللى محققه المراكز الأولى كدول عربيه شعوبها بتحب الأطلاع والمعرفه هى والجزائر ويمكن دا من الأيجابيات اللى أثرها فيهم الأحتلال

وهنا السر؛ الوعى الشعبى و الثقافه الشعبيه ,أنا مارحتيش تونس لكن كفيل لك أنك لما تشوف أكونتات شباب تونس على الفيس تعرف مدى وقد أيه هما عندهم حب معرفه وكفيل لك أنك تبحث فى دراسات عن مؤشرات الثقافه والمعرفه عندهم .
نرجع لمصر, الفكره بقا أننا شعب بيستمد ثقافته الشعبيه من دقون بتتكلم على قنوات فى النهايه أنا شايفها قنوات تجاريه بحته أو من مؤروثات شعبيه أحد أهم أساسيتها أمشى جنب الحيط تعيش مرتاح البال وعندنا عيال عايزيين نربيها.

اه ماشى شوية من التابوهات دى أنهارت مع الموجه الاولى لكن أنتخابات مجلس الشعب ومن قبلها الاستفتاء توضح أن فى مشكله فى الثقافه الشعبيه للشعب المصرى أو يمكن زى ما قال عمرو حمزاوى قبل كدا "الخبره" الشعب دا خام فى تجربة الأختيار من متعدد شويه شويه هيكون عنده مقومات فى خبرته أحسن.

نرجع تانى لتسليم السلطه؛وفعلا الحكم المره دى للشعب ماينفعش تنزل تقولهم تسلمها لرئيس مجلس العشب علشان هيطلع جزء تانى من الشعب_جزء لا يستهان به_ يقولك لا مش موافقين على المجلس دا خاصة أنه من قبل أنتخابات المجلس كل المحللين قالوا هذا المجلس لا يمثل الثوره.

طيب تقولهم نعمل أنتخابات رياسه هيطلعلك برضه جزء من الشعب_وبرضه جزء لا يستهان به_ هيقولك لاء أحنا مش
لا ماينفعش الشارع والناس والمرشحيين مش مستعديين للأنتخابات وممكن الشعب يختار حد ويرجع يندم زى ما حصل فى الاستفتاء ؛طيب

أنا واقعيا مش عارفه وخايفه

وداعــــا فى صمت

تلك الصعوبه التى تلتحق باللحظات الأولى فى المعرفه تحاول جاهدا مع فأرتك الألكترونيه التأكد من تلك الأشاعه التى بدءت فى الظهور على حرج وبعض من الحزن ....لقد رحل

بعد 40 يوما من تاريخ ظهور تلك الأشاعه ستجدهم يكتبون الرثاء و يضعوا فى جداول دور الثقافه ندوات تتحدث عنه  تعظم من فنه الأدبى وروعته الجليله التى خسرنها و كم قصر الزمن فى أعطاءه الحق الوفير..

أحاول من الأن أن أتدبر فى مصروفاتى لكى أقتطع جزءا منها لشراء تلك المجلدات الفاخره التى ستصدر تحمل كل ما كتب وتألم وفرح ونقد ولعن وهمس بين السطور ليحذر الأذكياء ....لأعود لمنزلى أدون على عالمى الأفتراضى قبل الفجر " لقد أشتريت اليوم الأعمالك الكامله لفلان الفلانى" ويأتنى عدد لا بئس به من الأعجاب يليه أراء الأخرون فى أفضل الأعمال التى أبدء بها.

كالعاده لن نجد وجهه على أحد طوابع البريد أو أسمه على أحد المكتبات العامه لكن وبكل تأكيد ستجد طفلا فى الغد يحمل أسم متطابقا مع أسمه  حيث كان أب هذا الطفل الوحيد الذى حزن من قلبه ولم يحضر يوما أحدى تلك المراسم الشرفيه.

كالعاده ستكون مؤشرات أعلى المبيعات  لدور النشر فى نهاية هذا العام لهؤلاء الراحلون حيث أن هذه الأمه لم تكلف يوما ذاتها فى عناء البحث عن مصادر جديده للأبداع غير تلك التى يلمعها لها الحاكم
مجهولون عده أغتصبتهم الحياه وفضت شرف أحلامهم فأفرغوا كل دمائهم على سطور أبداعهم ونحن فقط نتناسى ونذكرهم فى الرحيل و الفراق

وداعـا أبراهيم أصلان 7-1-2012

تجميع1

*هم لن يعلقوك مجددا على مشانقهم
أنت هنا على المذبح الحجرى لا تنزف فقط تتأمل وجعهم بالأسفل

*أنت وهو وهم محكومون بتلك الطرق الدائريه المفرغه من المنطق والعقل
 فالأيمان بالمطلق والأيمان بالفناء يمنحهم الوجوديه

*الودعاء الطيبون أكثرهم خبثا هكذا فسر لك ما أمتلئ عقلك به من قراءات

نحن جميعـا للمتـعه

هسرد أحداث بترتيب الظهور :

1- صوره لأحمد شفيق رئيس الوزراء السابق و المرشح للرياسه وهو فى أحد المناسبات الأجتماعيه وحواليه مجموعه من الستات الحلويين

2- صورة حفيد المشير طنطاوى وهو مع أربع بنات فى احد المناسبات الشخصيه" بنات حلويين "...

3- مقال لأحد الصحفيين فى جريدة الفجر عن الأخوات فى جماعة الأخوان المسلميين بعنوان" نساء المتعه" وكيف تستخدمهم الجماعه فى جذب جماهيريه لها بالشارع
 

4-صوره للفريق "عتمان" احد أعضاء المجلس العسكرى و هو فى أحد المناسبات الأجتماعيه بصحبة امرأه جمليه.


الاربع النقط السابقيين تم أستخدام كل واحده فيهم لمهاجمة الشخصيه العامه اللى ظهرت فيها يعنى تم مهاجمة حفيد المشير و أحمد شفيق و اللواء عتمان و مهاجمة قيادات الأخوان...


*طيب هو أحنا ليه دايما بنستخدم المرأه فى كل مره على أساس أنها حاجه وحشه وأنها شئ مثير أو سئ السمعه واللى يطلع مع واحده ست فى صوره يبقا قليل الادب هو أه صحيح المرأه مثيره بطبعها لكن أننا نتصيد لكل واحد هو خرج مع مين ولا حضن مين ولا راح  فرح مع مين أعتقد أن دا مش من الحريه فى شئ  ولا من "المدنيه_ الاسلاميه" اللى الناس بتنادى بتطبيق أحدهما...

كالعاده أحنا مجتمع متناقض مافيش أى مشكله أننا نشتم بأوسخ الشتايم على تويتر والفيس وفى الشارع و نكون منفتحين فى علاقتنا مع أصدقائنا من الجنسيين و نيجى بعدها نتصيد للناس صور وأخطاء غير مبرره

ماله حفيد المشير أن شاء الله يروح يرمى نفسه فى بيوت دعاره , أحنا مالنا؟
أحنا يهمنا جده و سرقته لفلوس البلد وأنتهاكاته اللأدميه مع ولادنا والدم اللى ماجاش حقه..

طب ماهو لو الموضوع تصيد أخطاء الشباب مش شرفاء أوى ومن السهل لأى حد يتلقط له صوره فى أى حته ويقولوا شوفوا  الشباب اللى بيقولوا عايزين ثوره ..

الحريه اللى بنتكلم عليها تجبرنا أننا ماننتهكش الحياه الشخصيه للأفراد كل اللى يهمنا من الأشخاص تعاملاتهم السياسيه ,الاقتصاديه,الاجتماعيه

* الواضح يعنى وبلا أدنى مبرر للشك أن المجتمع دا شهوانى وحشى بطريقه فعلا وسخه كل تفسيره للأمور قايم على مبدأ راجل وست راجل وست ,مافيش حاجه أسمها أنسانيه أنك بتتعامل مع انسان قبل ما تبص لجنسه أنك بتتعامل مع أفكار مع عقل .

*مش معنى أنى ضد المشير أو أحمد شفيق أو الأخوان أنتهك حياتهم بالطريقه دى وأعمق فى المجتمع التفكير السطحى الجنسى فى سلبيات كتير جدا ممكن نركز عليها نفضحهم بيها. 

نهائيا بفتكر موقف طلاق دكتور أيمن نور وجميله أسماعيل وأزاى أمن الدوله وقتها أستخدم دا فى بث شائعات فى الشارع لتشويه صورت دكتور أيمن نور وأحنا طبعا ما قدرناش نفرق بين شخص أيمن نور السياسى وأيمن نور الانسان فى حياته الشخصيه وفضل الشارع تجريح, أمن الدوله وقتها كان عارف طريقة تفكير الشعب المصرى اللى بيخلط كل حاجه ببعض وماعندوش تفرقة بين الحياه الشخصيه للرموز "أين كان مجال عمالها" و بين حياتهم المهنيه